Upplýsingafundur sveitarfélaga og Rannsókna og greiningar um líðan ungmenna og aðgerðir á tímum COVID-19.

Rannsóknir og greining í samvinnu við sveitarfélögin í landinu halda opinn upplýsingafund um  stöðu ungmenna í efstu bekkjum grunnskóla og framhaldsskólum landsins. Sérstaklega verður athyglinni beint að líðan ungmenna á tímum COVID-19, ásamt vímuefnaneyslu, notkun á nikótínpúðum og orkudrykkjum.
Ungt fólk rannsóknirnar hafa undanfarin 20 ár veitt upplýsingar um stöðu og umhverfi barna og ungmenna á Íslandi og verið grunnur að þeirri miklu og góðu vinnu sem sveitarfélögin inna af hendi á hverju ári. Nýjustu niðurstöður rannsóknanna frá febrúar og október 2020 eru nú komnar til sveitarfélaganna og er þegar mikil og góð vinna í gangi á grundvelli þeirra.